الأرض جعلها الله تومض مثل الياقوت الازرق في نظامنا الشمسي , بنقوم كل يوم و نمشي في حياتنا عادي و
احنا مش واخدين بالنا من المشاكل اللي ممكن تواجه كوكب الارض من كويكب مثلا يضرب كوكبنا أو انفجار
كوني ممكن يأثر على الارض , في واقع الامر في بعض الافتراضات و الخيالات اللي تصورت النتائج اللي ممكن
تحصل لو بالفعل واحدة من المشاكل دي واجهت كوكب الارض , أهلا بيك معاك محمود ولاء وانت بتتفرج على
حلقة جديدة من حلقات قناة ثقافة ذهن .
اصطدام الكويكبات بكوكب الارض هي احد الحقائق العلمية المؤكدة ففي تمام الساعة السابعة و الربع من
صباح يوم 30/06/1908 سقط جسم من الفضاء حجمه تقريبا مساو لحجم نصف ملعب كرة قدم بسرعة تقارب
34 ألف ميل في الساعة و جسم بالسرعة الرهيبة دي فطبيعي انه يصدر وراه تيار من الغاز الناري و في خلال
دقايق قليلة جدا دخل الجسم ده الغلاف الجوي لكوكب الارض و انفجر الجسم بعنف فوق غايات تونكوسجا في
سيبيريا و ده كان أكبر انفجار شهدته الارض في تاريخ البشرية الحديث وده لان الانفجار ده بعث موجات
حرارية حرقت حوالي 8 مليون شجرة في منطقة بتزيد مساحتها عن نصف مساحة جزيرة رود , و لحسن الحظ
انه مافيش أي خسائر بشرية حصلت نتيجة الانفجار ده , وده بكل بساطة لان الانفجار كان في مكان نادر
السكان و لو كان الجسم ده ضرب الارض بعد ساعات قليلة من دخوله الغلاف الجوي ففي الحقيقة هو ماكنش
هيضرب سيبيريا و انما كان هيضرب أحد المدن الاوروبية ولو كان انفجر الجسم ده في أحد المدن الاوروبية
فده كان هينتج عنه خسائر بشرية تصل لملايين الارواح , في الواقع انفجر الجسم الغريب ده في سماء سيبيريا
مش على ارض سيبيريا وده اللي حير العلماء و أطلقوا عليه اسم انفجار تونكوسجا . في الحقيقة الانفجار ده
أطلق كمية من الطاقة بتكافئ تقريبا 15 ميجا طن من مادةTNT و الانفجار ده بيعد أكبر ألف مرة من انفجار
هيروشيما .
في الحقيقة في كويكب مشهور جدا ضرب الارض قبل 65 مليون سنة و يعتقد انه نتيجة اصطدام الكويكب ده
بالأرض تم اطلاق كمية كبيرة جدا من الرطوبة والغبار في الغلاف الجوي و اللي بدوره تسبب في قطع أشعة
الشمس و خفض درجات الحرارة في جميع انحاء العالم وده كان احد الاسباب اللي تسببت في انقراض
الديناصورات و لكن في الواقع متمش تدمير كوكب الارض وده لان الكويكب اللي اصطدم بيه مكنش عنده
الكتلة الكافية لتدمير كوكب الارض تماما بس اللي تم اكتشافه هو ان الكويكب ده كان اكبر شوية من أعلى قمة
جبلية في العالم وهي قمة افرست , في الواقع جبل افرست بيبدو عملاق جدا بس انت لو طلعت الفضاء ووقفت
على ارتفاع 200 كم بس فانت هتشوف الارض ناعمة ويكأنها لا تحتوي على اي مرتفعات وده بسبب الحجم
الكبير لكوكب الارض لكن ماذا لو ضرب كوكب الارض شئ عملاق حجمه ميقلش عن نصف حجم كوكب الارض
و كتلته 10 أضعاف كتلة الارض ومتجه ناحية ناحية الارض بسرعة 30 ميل في الثانية خليني أقولك أنا
اقصد انهي كوكب في الحقيقة انا بتكلم عن كوكب المريخ , خلينا نتخيل كده مع بعض ايه اللي ممكن يحصل لو
كوكب المريخ غير مساره و اتجه ناحية كوكب الارض كنتيجة لاقتراب الكوكبين من بعض فقوة الجاذبية هتعمل
على شدهم ناحية بعض اكتر و هتكون المحصلة النهائية هي الموت ولما يدخل الكوكب الاحمر اللي هو كوكب
المريخ سماء كوكب الارض فده هينتج عنه تسونامي هائل هيمحي الجزر و المدن الساحلية و بعد كده الامور
هتصبح أسوأ اكتر أما بالنسبة للجانب اليبعيد عن منطقة التصادم فده هيتحطم بسبب الزلازل القارية واما
بالبنسبة بلحرارة اللي نتجت فدي هتحول الغابات اللي جحيم أرضي , أما بالنسبة للجبال المنصهرة على كلا من
الارض و المريخ فبيتم قذفها إلى الفضاء و بعدها بترجع تاني إلى الارض بسيل من الدمار المروع , بعد ساعة
من الدمار أي حد نجا على الارض هيموت و لكن الارض كبيرة جدا فهي بتقدر بحوالي 6 مليار تريليون طن
منت الصخور و المعادن حتى ان لو ضرب المريخ الارض ضربة مباشرة فده هيدمر الارض بس اساسها
هيفضل موجود .
دلوقتي بقى ماذا لو كوكب تاني هو اللي ضرب كوكب الارض مثلا الكوكب الشقيق وهو كوكب الزهرة في
الواقع كوكب الزهرة تقريبا ليه نفس قطر كوكب الارض و عنده أكتر من 80 بالمية من كتلة كوكب الارض
عشان كده بفرض اتجاه كوكب الزهرة نحو فكلا من الكوكبين هيتحطم و هينتج عن التصادم ده انتاج شظايا
نارية ضخمة في الفضاء بس اللي هيتبقى من الكوكبين هيرجع مرة تانية يتجمع و يعمل خليط من الارض و
الزهرة وده طبعا هيكون اكبر من اصل الكوكبين . بالطبع دي و سيلة ضخمة لتدمير الارض بس السؤال هنا ايه
هو احتمال حدوث ده, منذ حوالي 4.5 مليار سنة اصطدم بكوكب الارض شئ بحجم المريخ في الوقت اللي كانت
الارض فيه لسة منصهرة فجزء من القشرة الارضية تم تفجيره و تم تشكيل قرص من الحطام حول كوكب
الارض و بعد الحدث ده بوقت قصير تم تشكيل القمر من الحطام ده بس في بعض العوامل اللي بتخلي تصادم
الكواكب التانية بكوكب الارض شبه مستحيلة زي مثلا ان كوكب الزهرة بيبعد عن الارض بحوالي 23 مليون
ميل و ان كوكب المريخ بيبعد عن الارض بيما لايقل عن 35 مليون ميل , عشان كده بيقول العلماء ان احتمال
تصادم كوكب المريخ بكوكب الارض يقدر بحوالي 1 في المية على مدار 4 مليار سنة و طبعا نسبة زي دي فهي
غير مقلقة تماما .
طبعا ماتنساش ان ده كله ما هو إلا افتراضات من العلماء و تخيلات و تصورات مقتبسة من الماضي و
النظريات و الفرضيات اللي اتحطت قبل كده .
و بكده نكون وصبنا لنهاية حلقتنا النهاردة ماتنساش تحط لايك للفيديو و تشترك في القناة وتفعل زر الجرس
و ماتنساش تنزل تتابعني على
المدونات و تشوف كل اللي نزلته واللي فات سلام .
قناة
ثقافة ذهن :
https://www.youtube.com/channel/UCoc2wBFZTRs-2EEK2zCuc-A
قناة ثقافة ذهن Shorts
:
https://www.youtube.com/channel/UCsL0JmOu43JNZyGl89RoADQ
قناة Mahmoud
Walaa 1
:
https://www.youtube.com/channel/UCZkRwjBTW5hnbVXo7IurIwQ
مدونة ثقافة ذهن :
https://th8afat-zhn2.blogspot.com/
مدونة علم الفلك – ثقافة ذهن :
https://th8afat-zhn.blogspot.com/
TikTok th8afat_zhn
:
https://www.tiktok.com/@th8afat_zhn
TikTok th8afat_zhn_shorts
:
https://www.tiktok.com/@th8afat_zhn_shorts
TikTok Mahmoud_Walaa_1
:
https://www.tiktok.com/@mahmoud_walaa_1
مدونة عالم الحيوان – ثقافة ذهن :
https://th8afat-zhn1.blogspot.com/
تعليقات
إرسال تعليق